• Создано: 06.10.2022
• Обновлено: 12.10.2022
• Прочитано: 1485

Uchquduqda maʼnaviy-maʼrifiy tadbir o‘tkazildi

Til har bir millatning ko‘zgusi, maʼnaviy qiyofasini belgilaydi. Til bor ekan, millat barhayotdir.

Joriy yil o‘zbek tiliga davlat tili maqomi berilganligiga roppa-rosa 33 yil to‘ldi. "Navoiy kon-metallurgiya kombinati" aksiyadorlik jamiyatida O‘zbek tili bayramini keng nishonlash bo‘yicha chora-tadbirlar ishlab chiqilgan.

Shunga muvofiq, 6-7-oktyabr kunlari Shimoliy va Markaziy kon boshqarmalari ishchi-xodimlari mehnat qilayotgan Uchquduq va Zarafshon shaharlarida “Qadring baland bo‘lsin, ona tilim!” shiori ostida maʼnaviy-maʼrifiy tadbirlar o‘tkazilmoqda.

O‘zbekiston Yozuvchilar uyushmasi aʼzolari Odil Hotamov, Vafo Fayzulloh, Boboqand Umarov, yosh ijodkorlar Ozod Mustafoyev va Firuz Nematullayevlar ishtirokida ilk tadbir Shimoliy kon boshqarmasining 3-gidrometallurgiya zavodida tashkil qilindi.

"NKMK" AJ Matbuot xizmati.